En neit Buch!

Fir Leit déi mäi Blog regelméisseg liesen ass et keng Neiegkeet. Ech si matt engem neie Buch amgaang. Mäin Éischt Buch “Die Tote ohne Augen” war mäin éischt Eruntaaschten un d’Liewen vun engem Auteur. Beim zweete Krimi “Das Christkind” ass et scho besser gaang. Mäin eenzegt Buch wat an engem Verlag erauskomm ass, nämlech “Erste Hilfe für Kinder – von Kindern” ass mäi Bestseller.

Ech sinn ee Mënsch deen net vill Gedold matt an d’Wéi geluecht kritt huet an esou wëll ech meng Bicher ëmmer esou séier wéi méiglech erausbréngen. Ech hunn awer geléiert dass et duerchaus Sënn mécht, d’Buch eréischt dann erauszebréngen, wann et perfekt ass. Dat ass ee vun mengen Haaptziler bei mengem neie Buch. Et däerf net erauskomme wann et net perfekt ass. An an engem Verlag. Well als “Seplfpublisher” ass et schwiereg z’iwwerliewen. Dréckt een 500 Bicher an et verkeeft een der 100, dann huet een der nach ëmmer 400 am Keller leien. Dat rechent sech net.

Ech wëll awer elo endlech mam Thema vu mengem neie Buch erausréckelen. Et handelt sech em den Dout. Jo, richteg, den Dout! Wat ass stierwen? Wat geschitt am Kierper wann ee stierft. Wei eng Gesetzer ginn et zu Lëtzebuerg?

Dee gréissten Deel wäert awer aus Gespréicher bestoen matt Leit déi eppes mam Dout ze dinn hunn wei zum Beispill:

– Engem Dokter deen um SAMU fiert: wéi einfach ass et fir hien eng Reanimatioun ofzebriechen?

– Engem Mann deen all Dag Mënschen um Stierfbett begleet

– Engem Member vum Groupe se support psychologique: Wei kritt hien et hin no trauregen Asätz erëm heem an d’Famill ze kommen?

– Mataarbechter vun der Fondatoun Kriibskrank Kanner: Wou huele si d’Kraaft hier esou eng schwéier Aarbecht ze maachen?

an nach vill aaner!

Alles wëll ech natierlech net verroden. Ech maache just ee kléngen Opruff: Solls du, vläicht selwer eng besonnesch Relatioun mam Dout hunn a wiers drun intresséiert och an d’Buch matt dran ze kommen, mell dech einfach per Mail: info@herrjeff.lu

Merci!

This entry was posted in Uncategorized. Bookmark the permalink.

Leave a Reply